Ummmm..

أم لسان

من وين ابدي

السالفة بخاطري لازم أقولها

من شوي راده من الجامعة كان عندي امتحان بمقرر تاريخ الكويت الحديث و المعاصر .. مابي أقول شسم الدكتور

اوكي اوكي أصغردكتور و اسمه ع.ا

خل أكمل

الي صار اهوا ان الامتحان المفروض انه يكون الساعة 12:30 لكن الدكتور

ما وصل القاعة الا الساعة 1:15

صح للوائح الجامعية تقول ان الدكتور اذا تأخر لأكثر من ربع ساعة يصير من حق الطالب انه يمشي من دون ما يحسبة الدكتور غياب

لكن ما مشينا لأنه امتحان

صبرنا صبرنا و وصل الدكتور يتبوسم يرقع التأخير

و يقول أن كان ناسي مفتاح المكتب بالبيت

"Shallaaakkhhh"

المهم انه أول ما وصل بدا يوزع الأوراق و يعتذر مراراً و تكراراً فسامحناه

لأن لكل انسان ظروفه و محد معصوم عن الخطأ

ولكن صار شي أول مرة أشوفة بحياتي الجامعية

بنت بنفس المقرر توقف بمكانها و تلعلع

ya3ni soot'ha kan 3ali o kanat etsarekh

بالضبظ قالت جذيه: دكتور اللوائح الجامعية تقول ان اذا الدكتور تأخر من حقنا نمشي و هذا امتحان مو محاضرة عادية انا اسمي هالشي اهمال

!tara qaweya ! mahman kan ohwa dektour o lah e7terama ! matabeen emshay ? sa7 wela ana

ghal6ana ? .. khal akammel

الدكتور معروف عنه برودة الأعصاب و دمه الثقيل.. اقصد انه يستظرف دمه وايد بس عموماً

ya3ni 7abboob na3wan maa

أول مرة أشوووف الي صار

الدكتور صرخ عليها و قال من قمة راسه

!from the bottom of his head "e7em"

فلانه اذا مو عاجبج و اذا تبين تمشين امشي

ردت عليه بكل وقاحه..

ماني ماشيه بمتحن بس انا حبيت اذكر باللوائح

عصب الدكتور أكثر و حمق أكثر

فلانه تفضلي برا اذا مو عاجبج أو سكتي و قعدي بمكانج من غير كلام زايد

و عم السكوون بالقاعة و الدخان يصعدمن راس الدكتور و من راس الطالبة ام لسان

------------------------------------

صح انه من حقها انها تعبر عن رايها الشخصي ولكن بكل احترام و أدب انا شخصياَ شفت هوشات وايد بين طلبة و طالبات.... حتى نجره بين دكتور و دكتور ثاني.. بس أن طالبة ترفع حسها على الدكتور انا أسميها قلة أدب لأن الشخص هذا موجود عشانا و اكبر سن منها و له احترامه و تقديرهصحيح ان تصرفه كان فيه اهمال و غير مبالاة لكن كانت تقدر تعبر عن رايها بطريقه اسلم من جذيهأول مرة ينكسر خاطري على دكتور الصراحه لأنه تم طول الوقت متضايق و كان شي ملاحظ

للأسف ما اعتذرت للدكتور بالعكس مشت و اهي معصبه عقب ما حلت الامتحان

اقدر اسمي هاشي قلة أدب؟

Ga77es Khammes o Doour Beeha

Vennnnnnnnnnnnn Vennnnnnnnnnnnnnnn Sheeeeeeeeeeee6 !!

Yekhlaq men el shebah 40

Wana agooool wain shayfeta ya rabbi ???? !!!!!

Someone..

it feels so sad and depressing when you suddenly realize that you miss

Someone whose far away that you cannot reach

Someone special you've never seen alike

Someone u'll never find a comparable in the whole world
Someone u feel guilty that u haven't got enough time to spend with ?
have you ever felt so lonely even when there are millions of people around you ?

El 7anna, bel 3arabi الحنة

أقصد بالحنة مو نقش اليد و حنة الشعر و هالسوالف لايروح البال بعيد

ابطال القصة : العمال , المنبه , الوالده, ال اف ام, السيارات , السواق , البنات , الدكتور و انا

قصدي اهوا الحنة و الي راح اشرحها بمفهومها الاصطلاحي بقاموسي : الحنة هي مجموعة كلمات و الفاظ و حركات متكررة تدل على موضوع معين.. يتكرر الكلام و النقاش أيضاً بنفس الموضوع الى ما له نهاية, الى أن يسبب الصداع

النصفي و أحياناً الكلي " يصيبني أنا شخصياً" و اسبابه

الغيض من شيء معين

القلق من شيء معين

نتيجة تصرف و احساس بالذنب اتجاه ما فعله الشخص الحننان

الوراثة

ماكو شغل + البطالة + التقاعد

أسباب الحنة لا تنحصر و تختلف من انسان و بيئة الى أخرى

أما عن سبب اختياري لهذه الظاهرة فهو ان يومي بأكملة انحصر داخل حدود الحنة و راح اشرح شلون بالتفصيل... اوكي مو بالتفصيل بس أبي ابرد جبدي!

1- قعدت من النوم على صوت الدرل و شغل العمال الي مادري شهببون صارلهم اسبوعين مو راضين يخلصون الشغل الي ببيتنا

2- حنة المنبه الي حاطته بتلفوني الي كل ما يرن "adooعs 3ala snooze o el 7abeeb maysaddeg khabar kel 5 mins erenn again and again and again "

4- adri shega7t 3 o adri ene faj'a galabt o im not writing in arabic .. bas kan wedi asawi chethe laish madri .. ok enred 3ala mawthoo3na

3- الوالدة الله يطولي بعمرها الي كل يوم تسألني بهذا السيناريو الي ملليت منه

" أمي: ها يمه وين رايحه؟

انا : رايحه الجامعة

أمي : ساعة جم محاضرتج؟ و متى تردين البيت؟

انا : يما كل يوم اقولج .. بخلص الكورس و انا ليلحين اقولج .. ارجع الساعة 1

أمي : زين ماما تيين الغدا ؟

و يستمر الحوار الحننننان في صباح كل يوم

5- من بعد حنة الوالدة الله يطول بعمرها.. اركب السيارة و استلم حنة ال اف ام الي مادري منين يجيبون الاغاني مرات ! ليش ما احط سي دي؟ لأن سيارتي مافيها سي دي ! ليش ما أحط شريط؟ ببساطه لأن مالي خلق ! ابي اوصل

الجامعة بسرعه!!

6- خلال الطريج للجامعه اصادف ناس اشكال و الوان و احب صنف لنفسي هو " الناس الي على بالهم ان الشارع شارع ابوهم الي يابهم !" الي يتم يحنننن وراك وراك وراك يتررك يتترك و هو بعييييييييييييييييييييييييد بس حالف يمشي بالحارة اليسارو ما يرتاح الا لما توخر عن طريجه .. لااا! و يخزك خزه يخليك تحس انك حمار ما تعرف

تسوق ! ما علينا

7- اوصل الجامعة و الشارع مسكر نظراً ان السواق ماشاء الله يسفطون بمواقف الطلبة و الطلبة يتمون يحوسووون يحوسووون بالهاقايلة و الشمس لين يصيرون كباب .. مو بس كباب.. كباب محروق بعد .. و وين الحنه؟؟ بالهرناات الي تبط الراس !

8- من بعد الحوسه على الموقف.. احب دايماً اروح قبل المحاضرة بخمس دقايق .. 5 دقايق على ما يوصل الدكتور .. بس الخمس دقايق تنقلب لخمس ساعات من الصراخ و الصوت العالي و السوالف و ملاقة البنات "أخص البنات لأن خلاص الشباب بح ماكو اختلاط" مو هذا موضوعنا .. الموضوع هو حننننة البنات الي يبطون الراس بسوالفهم الي كل يوم تتكرر و اعطيكم امثله

بنت1: وااي حدي مالي خلق الدكتور

بنت2: لا عاد انا الي ميتة على شوفتة

بنت3: والله اذا تأخر عن 10 دقايق بمشي

بنت1: يمه منج عاد انتي أم قليب ما تطوفين ولا محاضرة

بنت 2: قومو نتمشى بره القاعة على ما يوصل هالدكتور المليق

صدعت

9- الححححننة التي لا بد منها و هي ... حنة الدكتور .. فعلاً الدكاترة احترمهم و أقدرهم لكن هالدكتور ماني قادره ابلعه خير شر .. لأن ببساطه يحضر على شان يحن !! مو عشان يشرح

10- من صجكم بكمل؟؟ بس تعبت من الحنة الله و ريجي نشف.. ليش مادري بس المهم ان ماني مكملة لأني عصبت من الكلام عن الحنه

بروح انام زين!