حسبت اني لقيت نفسي مره ثانيه
و اني تحررت من قيود الماضي و عدت لصوابي
اضحك و اسولف و كلي نشاط و حب للحياة
كنت اسمع الناس القريبين مني يقولون لي : شفيج؟ انتي ليلحين مو انتي
و كنت ارد عليهم : ايه يمكن شخصيتي الجديده الحين احسن من اول؟ و اكيد انا تغيرت للأحسن
كنت سعيده بسعادة الناس فيني
اختي اهلي و صديقاتي و حتى دوامي .. انسانه جديده متفائله تحب كل شي و دايماً سعيده
بدا شهر فبراير و بدا كل شي يطيح حواليني
و اولهم انا
نفس الي كان تحت تأثير مخدر و فجأه المخدر نفذ
قمت اتعثر بأقل مطبه
صارت الكلمه تضايقني حتى و انا ادري انها غشمره
ما انام
فقد شهيتي بالأكل
على كل هذا حاولت اني اقوم مره ثانيه و اقول فتره و تعدي و انا ما فيني شي
بس كل شي صار يزيد .. بسرعه و صار كل شي فوق طاقتي
وصلت مرحله مادري شنو فيها الصح و الغلط
انا منو؟
شللي صارلي؟ منو خذاني من روحي و ما رجعني؟
انا ما اعرفني
معقوله كنت امثل على نفسي ؟ و صدقت نفسي؟
مادري
طحت من حيلي .. و تعبت
تعبانه و التعب بكل يوم يزيد
قبل كنت اشكي و اتكلم
الحين محد يسمعلي حس
ساكته ساكته
عمري يركض .. مو قادره الحق على الوقت .. كل شي سبقني
ما عندي أمل غير بأهلي .. على شانهم امثل اني بخير بالطاقه القليله الي بقت فيني
اتذكر اخوي و اقول .. تكفي صدمه واحده بس لهم .. اعيش بدون روح و نفس عشانهم؟ مو حسافه
حرام .. انا صغيره!
اكتب و ارد امسح .. كلامي و افكاري مو مرتبه
و تعبني الصداع .. الطبيب يقول من الدموع صارلي جفاف .. و طبيب ثاني يقول صداعي شي متعلق بحاله نفسيه لا تفكرين وايد
اضحك على نفسي مرات .. شنو كل هذا؟ يا ليت اقدر استسخفني
يا ليت اقدر القاني مره ثانيه
يمكن احتاج مساعده .. بس من منو؟ منو بيفهم؟
محد
ارجع اسكت
اكلم نفسي و ما القالي اجوبه
اسكت احسن
No comments:
Post a Comment