يا جريح

ياجريح من بعادي وانا من بعدك جريح
جان لي وياك قسمه بنلتقي
أترك الباقي على الله ومايصح الا الصحيح
وما أبي عيوني تشوفك مشتقي

لا لاتأثر يابعـد عمري ودمعك لا يسيـح
وعن ظروف الوقت ليتك تلتهـي
في العواصف تنحني الأشجار لكن ماتطيـح
وكل أعصار ولابـد ينتهي

صبر أشواقك وخلني في غيابك أستريح
منيتي ألقاك بس شحيلتي
لاتحير ولا تغير ولايهـزك أي ريـح
واشتياقي لك يسبق خـطوتي

**

دايم أغنيها .. و أهديها حقي
صار كلامي كله أغاني .. ما أتكلم من نفسي
أسمع شيقولون و بس اشوف
ليلحين مادري شقول
ليلحين مادري شسوي
مادري شنو لازم أحس
يوم زعلانه
يوم معصبة
يوم كارهه كل الناس بدون استثناء
يوم اتصبر و اقول باكر أحسن
يوم أسكت ما ارد حتى السلام
صارلي ساعة احاول اكتب كل هالكلام
ليلحين مادري
مو من حقي اتكلم
ولا من حقي اعتب و اشكي

**

جاسم خطب ريم
الله يوفقهم و يتمم انشالله