مو درس .. دروس
و ما زلنا نتركب نفس الاخطاء
نجرح و ما يهمنا مشاعر الناس
و ننسى و تمر الايام
و لما الزمن يعاقبنا على افعالنا .. نقول ليش ؟ انا ما سويت شي و ما ضريت احد
الدنيا تعلمنا .. من تجاربنا احنا مو غيرنا
ننصح و ما نطبق النصيحه من الاساس .. كلامنا كله باطل
و تصرفاتنا كلها تمثيل .. نمثل على نفسنا الى ان نصدق و نعيش و اقل طراق يصحينا .. و يبجينا
لا تسوي شي باجر تندم عليه
لا تأذي احد اذا ما تبي احد يأذيك
من قال الحياة سهله و دروبها مفروشه ورد؟
لا تضر ناس يحبونك .. لا تأذيهم على حساب سعادتك
لا تسحب ناس وراك في درب انت متأكد انك ضايع فيه
الناس لهم حياتهم مثلك
حياة وحده بس ما تتكرر
الف "لأ" اقدر اقولها
و كلمة "لو" يا ليت تفيد .. كنت بقولها لو بستفيد
عامل الي يحبونك عدل و حبهم .. شتسوى الدنيا لو صحيت باجر ما لقيتهم؟
الوقت يمر .. كل دقيقه و ثانيه محسوبه علينا
1 comment:
Simply loved every word you wrote..
So true :)
Post a Comment